Con motivo do Día Mundial da Diabetes 2025, ANEDIA organiza o encontro “Vivir con Diabetes”, que se celebrará o venres 7 de novembro, de 18:30 a 20:00 horas, no Edificio CERSIA Empresa (San Lázaro, Santiago de Compostela).
Este acto pretende crear un espazo de encontro entre profesionais sanitarios, persoas con diabetes e as súas familias, para compartir avances, experiencias e reflexións sobre os distintos ámbitos que inflúen no coidado da diabetes tipo 1.
O encontro contará coa participación de tres poñentes de referencia, que abordarán a diabetes desde unha visión integral e multidisciplinar:
Avanzando xuntos no coñecemento e o tratamento da diabetes tipo 1
O Dr. Miguel Ángel Martínez Olmos, do Servizo de Endocrinoloxía e Nutrición do CHUS, falará sobre as novas estratexias de tratamento, o papel das tecnoloxías aplicadas á xestión da diabetes e a importancia do acompañamento clínico e emocional no día a día das persoas con diabetes tipo 1.
️ Situación actual e novos avances en diabetes ocular
O Dr. Francisco Gómez-Ulla de Irazábal, do Miranza Instituto Gómez-Ulla, explicará os avances máis recentes na detección e tratamento das complicacións oculares asociadas á diabetes, destacando a relevancia do diagnóstico precoz e dos controis oftalmolóxicos regulares.
O coidado dos pés, unha visión de futuro
O D. Navor Pereira Losada, do Colexio Oficial de Podólogos de Galicia, centrará a súa intervención na prevención de lesións e na educación en autocuidado, un aspecto esencial para mellorar a calidade de vida e reducir complicacións a longo prazo.
A través destas tres perspectivas —endocrinoloxía, oftalmoloxía e podoloxía—, “Vivir con Diabetes” quere poñer en valor a necesidade dun enfoque coordinado, integral e humano na atención ás persoas con diabetes tipo 1, así como visibilizar o traballo que se realiza desde diferentes ámbitos profesionais.
O evento forma parte do programa de actividades que ANEDIA desenvolve en toda Galicia con motivo do Día Mundial da Diabetes, co apoio de Novo Nordisk, Air Liquide Healthcare, Miranza Instituto Gómez-Ulla, ProSAGA, Nova Lab, FFL, o Servizo Galego de Saúde e o Concello de Santiago.
Data: Venres, 7 de novembro de 2025
Horario: De 18:30 a 20:00 horas
Lugar: Edificio Cersia Empresa (San Lázaro, Santiago de Compostela)
Inscrición gratuíta:FORMULARIO
Teléfonos de contacto: 644 97 14 54 // 644 31 95 95