Quen somos
Somos familias de toda Galicia que convivimos coa diabetes tipo 1 e sabemos todo o que iso significa.
Detrás de ANEDIA hai nais, pais, adolescentes, mocidade, adultos e persoas achegadas que decidimos camiñar xuntos, aprender xuntos e facer máis visible o noso día a día.
Dende 2013
4 provincias
unha familia
Detrás de cada socio/a hai unha historia
Nais e pais que vivimos un debut diabético
Somos nais e pais que vivimos un debut diabético e de repente voltamos a casa despois do ingreso hospitalario coas dúbidas de todo tipo asaltándonos: que temos que darlle de comer, contar carbohidratos, resolver hipoglicemias e hiperglicemias, calcular ratios, tempos de actuacións das insulinas, sensores de glicosa, capilares, bombas… Un novo idioma que se instala nas nosas vidas.
Comezamos a levar o control da nosa diabetes
Somos xente nova que comezamos a levar o control da nosa diabetes, e que temos os nosos propios temores aos que temos que sumarlle os dos nosos pais e nais.
Pero temos que asumir o noso autocontrol e vivir as nosas vidas: saír cos amigos, facer deporte, ir de excursión, durmir na casa dos nosos amigos, estudar fóra, viaxar…
Acabamos de debutar ou levamos anos co DT1
Somos adultos que acabamos de debutar e nos asaltan moitos temores e dúbidas que non sabemos como resolver, e non nos chega coa axuda profesional.
Ou somos adultos que debutamos hai moitos anos e sabemos de primeira man todo o que cambiou o mundo da diabetes, e queremos saber máis e axudar, se é posible, ás persoas recén chegadas.
Tíos, avós, madriñas, amigos, profesionais…
Somos persoas que temos a alguén achegado ou querido con diabetes.
Queremos entender un pouco máis o que significa a diabetes tipo 1 e como podemos axudar no día a día. Tíos e tías, avós, madriñas, amigos, veciños, profesionais da saúde e da educación…
Documentos públicos
Plan de Igualdade 2023-2024
Historia de ANEDIA
Dende un pequeno grupo de familias en Pontevedra ata unha rede activa nas catro provincias galegas.
Quen pode ser socio? Todos!
Nais e pais
De nenos e nenas con diabetes tipo 1 de Galicia.
Xente nova
Entre 14 e 29 anos con diabetes tipo 1 de Galicia.
Adultos e achegados
Persoas adultas con DT1, familiares, amigos e todos os que queiran axudarnos.
Cales son os nosos obxectivos?
Traballamos cada día para que a vida coa diabetes tipo 1 sexa mellor para as familias, a xente nova e as persoas adultas en toda Galicia.
Reivindicar a asistencia sanitaria, especializada e multidisciplinar para todas as persoas afectadas pola diabetes tipo 1.
Instar as Administracións Públicas (Sanitaria, Educativa…) a proporcionar tódolos medios precisos para o autocoidado da diabetes.
Proporcionar axuda social, sanitaria, psíquica, física, laboral, legal, terapéutica e de asistencia a todas as persoas afectadas pola DT1.
Defender os dereitos das persoas con diabetes para conseguir a súa plena integración escolar, laboral e social.
Estimular, fomentar e propoñer o estudo, a investigación experimental e clínica, e o desenvolvemento sobre as causas e tratamento da DT1.
Proporcionar información e unha axeitada Educación Diabetolóxica, teórica e práctica, a socios, familiares, escolas e poboación en xeral.
Potenciar as relacións entre persoas afectadas e familias para facilitar a axuda mutua en todo momento.
Establecer relacións con outras asociacións de persoas con diabetes e con colectivos relacionados, directa ou indirectamente, coa diabetes.
Promover, intervir e integrar proxectos sociais, sanitarios, educativos e relativos a discapacidades invisibles.
Realizar todas as accións precisas para mellorar a calidade de vida das persoas afectadas pola DT1 e das súas familias.
Que actividades realizamos
Educación, deporte, cultura, divulgación e encontros: programación variada e durable ao longo do ano.
Día Mundial da Diabetes
Celebración do 14 de novembro con accións visibles en toda Galicia.
Charlas sobre nutrición
Educación sobre alimentación e DT1 para familias, escolas e profesionais.
Tecnoloxía e dispositivos
Información sobre sensores, bombas e novidades que facilitan o día a día.
Deporte e Milla Solidaria
Promoción do deporte; destaca a Milla Solidaria ANEDIA en Pontevedra (novembro).
Intercambios con outras asociacións
Encontros con asociacións similares para compartir experiencias inesquecibles.
Formacións en centros educativos
Formación para profesorado e persoal de Educación para acompañar na aula.
Deporte e Milla Solidaria
Promoción de hábitos de vida saudables entre os máis pequenos e as familias.
Actividades culturais
Cultura ao redor da diabetes: contos, obradoiros e proxectos como Bolechas.
Eventos e divulgación
Participación en eventos sanitarios, sociais e deportivos para visibilizar a DT1.
Xornadas de familias
Encontros anuais (Medrando con Diabetes) para apoiarnos e formar comunidade.
Hai sitio para
cada un de vós
Achégate á Casa Azul, escríbenos ou asóciate online. Cada nova socia, cada novo socio fai máis forte á rede.