No 2021 o obxectivo principal que nos marcamos dende ANEDIA é acometer unha atención integral ás familias que conviven coa diabetes, centrados no paciente, pero atendendo a todos os membros da unidade xa que a diabetes vívese en familia.
Cada vez son máis frecuentes os debuts, pero tamén as persoas adultas que debutaron fai anos e van chegando a ANEDIA en busca de información e axuda.
Así que nos marcamos para este 2021 todo un reto, co programa SOMOS TIPO 1.
Un programa que vai intentar facer unha análise da situación dos pacientes tipo 1 en Galicia, en todas as idades: nenas, nenos, xente nova e persoas adultas. Para estudar ben cales son as súas necesidades e tamén as súas fortalezas como pacientes .
Pero tamén queremos por en marcha un apartado que para nós é fundamental, que é o apoio psicolóxico específico para diabetes tipo 1, e pasiño a pasiño imos cumprindo os nosos obxetivos, e neste mes de Agosto comezaron as sesións de apoio tanto a pacientes como ás súas familias, porque agora elas son as protagonistas, e teñen que dar o seguinte paso que é pedir axuda.
Non escollemos un camiño doádo, pero neste proxecto imos sumar moitos #camiñosazuis que son imprescindibles e nos que levamos tempo traballando:
– Sanidade, recursos e educación diabetolóxica.
– Educación: formacións, apoio e recursos para as aulas.
– Xurídico: asesoria xurídica e laboral.
– Apoio Psicolóxico, formacións e atención persoalizada.
– Programas comunitarios, divulgación e información.
